Sadar nd sadar, tindakan konyol di pesbuk itu jadi data for mark dg depe tamang2. Kita ja tatawa orang2 mo ba status suruh ap. Supaya kata itu laik deng komen mo ta bale jadi banyak ulang sama dg dulu kala wkwkw.
Nd akan. Laik deng komen yang banyak2 waktu dulu, itu sebelum algoritme pesbuk ta rubah. Sebelum laik deng komen dorang jaga jual. Sebelum kukis lalampa jadi iklan.
Skarang program iklan so banyak. Dulu pesbuk mark dg depe tamang 2 orang ada bekeng cuma jadi tampa simpang fail2. Cuma jadi tampa baku sms deng dorang2. Mar skrg pesbuk so melampaui asumsi dg ekspektasi.
Pesbuk nda hanya mo ba aplot akang poto supaya orang mo laik deng mo komen. Pesbuk so jadi lahan tambang bahkan. Ngoni tau, ngoni pe usaha mo suruh ap itu cuma berpungsi saat satu postingan itu. Nd mo banyak sampe trus2.
Kita kadang jaga lia orang di pesbuk bilang bagini, ap akang cua, ap akang dg, ap akang keode, setiap ba posting kurang satu dua orang ba laik deng ba komen. Padahal biasanya banyak. Hehe
Pak buk tanta oma opa. Perna lia nd di pasar, orang ba jual barang kong banyak yang ba bili. Trus om dg tanta suka dorang kase cuma2 pa om dg tanta, nd mungkin to. Paling tu yang ba jual mo bilang, ba modal kuwa haha.
Nah sebenarnya bagini kwa. Pesbuk skrang ada karja sama dengan banyak perusahan basar termasuk gugel (google) perusahan tampa ga cari inpo yang ngoni jaga bilang om gugel padahal kasiang tanta gulel nintau di mana. Deng pesbuk skrg jadi salah satu sosial media yang banyak ambe alih proses singkron ka macam2 aplikasi mobail dg web. Jadi kwa sebenarnya ini depe cirita pulus, cuan, doi goros. Kalo nd mo dapa pulus di pesbuk no salah-salah mark mo pi ba kobong dg. Pasti dia nimau karna harvard saja angka dia jadi doktor tanpa iko jenjang kuliah es tiga (S3).
Jadi bagini, kalo soal cirita laik dg komen itu, ngoni mo dapa banyak laik deng komen mar bayar hehe. Iyo to? Percaya nd? Memang musti mo bayar kasiang dari ngoni cuma ba kapling. Pesbuk itu lahan hibah dulu. Mar skarang nd ada cirita hibah. Ngoni bayar promosi di pesbuk, ngoni dapa laik deng komen banyak.
Kong kiapa musti bayar?
Om tanta, coba kalo ada rumah kase tinggal gratis pa orang laeng. Kong yang bayar listrik dg aer om dg tanta, dorang yang ba tinggal cuma tau tidor makang. 1 tahun jo jangan lebe. Bgmna kira2 om dg tanta pe perasaan dg isi dompet? Kring ka nd wkwk.
Pesbuk le bagitu kalo dorang nd mo dapa pulus. Masalahnya dorang bayar tampa (server) di amerika deng depe harga mahal kong cuma mo kase pol dengan ngoni pe ba curhat di pesbuk wkwk. Drg bayar samua2 supaya pesbuk nd tutup kong cuma mo kase pol deng brita putar bale wkwk kan nd mungkin.
Nd mungkin ngoni mo ba jual barang di pesbuk trus2 kong ba harap untung basar padahal nd ba modal haha. Coba ngoni lia di fitur marketples. Biasa orang2 ba jual akang. Di marketples itu memang banyak orang ba jual jaga laku mar nd sebanding dengan yang ba bayar. Coba ngoni buka marketples depe lokasi cuma di satu tampa misalnya manado, di situ ada bnyk barang yang dorang jual mar cuma di manado. Ngoni nda mo dapa barang dari jakarta kalo ngoni kase aktip manado. Bagitu le sama di jakarta nd mo dapa barang dari manado kalo dorang buka marketples cuma seputaran jakarta. Mar kalo ngoni ba bayar, ngoni kase iklan, ngoni pe barang yang dari manado nd cuma muncul di jakarta. Sampe di mimpi le ada karna banyak orang yang lia wkwk.
Trus kiapa samua ini terjadi?
Mengaaaapaaaa semuaaa menaaaangis, padaaaaahal kuslaaalu terseeenyum……..intermezo.
Nah pak buk, om tanta, perubahan itu keniscayaan. Maksudnya bgni, apa yang torang amati sama dg skrg ini, itu samua so memang bgtu. Yah so bgni, so memang dpe jalan wkwk.
Jadi kalo torang bicara data dg perilaku teknologi, torang mo baku dapa deng depe istilah algoritma. Algoritma itu om, tants, sama deng cara karja bagitu dg. Jadi kalo om dg tanta ada toko baju, kong ada 1 karyawan, trus om dg tanta bingo kiapa nd ada yang laku ini baju yang ada jual, nah om dh tanta rubah strategi ba jual kong kase tau pa karyawan supaya ini baju mo laku, itu depe conto singkat dari algoritma. Cuman inga, algoritma itu logika pemrograman. Dia pe ruang lingkup yang ada data2 statistik bgtu.. Sudah, so paham?
Jadi kalau suka dapa banyak laik dg komen makanya om deng tanta harus tau algoritma pesbuk. Kita sandiri nd baku pusing, parsetang deng algoritma pesbuk. Cuman katu ternyata torang pe generasi ini perlu skali sosial media. Bukang cuma sekedar curhat, lebe dari itu ini persoalan eksistensi dg isi puru. Banyak orang yang depe makanan hari2 itu dapa dari doi sosial media sama dg pesbuk, instagram, twiter, yutup, blog dg masih banyak le.
Algoritma itu berlaku kalo om dg tants pake pesbuk. Jadi masing2 sosial media dg sosial bookmarks ada algoritma sandiri2. Di pesbuk lalu dorang ada apdet algoritma yang depe nama Last Aktor. Jadi algoritma ini depe cara karja kase taru om dg tanta pe status pesbuk di halaman pesbuk pa orang2 yang baku tamang dg om tanta. Ini ada dpe hubungan dg waktu ba posting. Jadi status dg orang di pesbuk itu bole dapa dg dua cara. Pertama om dg tanta le status muncul sandiri di halaman pesbuk pa orang laeng, atau om dg tanta pe status dg propil pesbuk muncul karna dorang ada cari.
Jadi, robot pesbuk depe tugas ba kase bajalang ini algoritma. Kase singkron dg depe istilah. So talalu panjang ini, njo ka kesimpulan jo.
Depe inti
Depe inti supaya om deng tanta pe status banyak laik dg komen pertama bayar supaya pesbuk promosi bgtu dang. Kadua rajin2 ba status dg bekeng seakan2 om dg tants pe status itu ada dg nilai supaya orang tertarik. Mar biar ada nilai kalau nd bekeng cuan samadg abu. Katiga mangarti akang ini algoritma. Supaya sadap banyak yang balas om dg tanta pe status. Sudah jo so cukup, so nda mo tidor ni om dg tanta.